પ્રાઇવેટ સેક્‍ટરના માલીકોએ તેમના કર્મચારીઓની વિગત પોલીસ સ્‍ટેશનમાં આપવી

સૂરત,શુક્રવાર: ભુતકાળના બનાવોને ધ્‍યાને લઈ શહેરમાં શાંતી અને સલામતી જળવાઇ રહે  તે માટે શહેર પોલીસ કમિશનરે એક જાહેરનામું પ્રસિધ્‍ધ કર્યું છે.

          આ જાહેરનામા અનુસાર તમામ કારખાનેદારો, મકાન, બાંધકામ બીલ્‍ડર્સ, ટેક્ષટાઇલ ઉદ્યોગ, હીરા ઉદ્યોગ તથા અન્‍ય ઉદ્યોગો સાથે સંકળાયેલા તમામ પ્રાઇવેટ સેકટરના માલીકો/ મેનેજમેન્‍ટ સ્‍ટાફ કે જેઓના યુનિટમાં કર્મચારીઓ, કારીગરો, મજુરો હાલમાં કામ ઉપર હોય તેવા અને હવે પછી કામ પર રાખવાના છે તેવા કાયમી, હંગામી, રોંજીદા કે કોન્‍ટ્રાકટના કર્મચારી/ કારીગરો, મજુરોના નામ, સરનામા સાથેની સંપૂર્ણ વિગતો તૈયાર કરી સબંધિત પોલીસ સ્‍ટેશનને આપવાની રહેશે.

અ.નું	વિગત
૧	માલિકનું નામ સરનામું તથા ધંધાની વિગત ટે.નં./ મોબાઇલ નંબર
૨	કર્મચારી/કારીગર/ મજૂરનું પુરૂ નામ, ઓળખ ચિન્‍હો, વતનનું સરનામું અને સ્‍થાનિક પો.સ્‍ટે./ટે.નં
૩	કર્મચારી/કારીગર/ મજુરના પિતાનું નામ અને સરનામું
૪	કર્મચારી/ કારીગર/ મજુરનું વતનનું સરનામુ સ્‍થાનિક પો.સ્‍ટેનું નામ/ ટે.નં. તારીખ
૫	કર્મચારી/ કારીગર/ મજુરને રાખ્‍યાની તારીખ
૬	કર્મચારી/ કારીગરો/ મજુર અગાઉ જે સ્‍થળે કામ કરતો હોય તે માલીકનું પુરૂ નામ, સરનામું, ટે.નં
૭	કર્મચારી/ કારીગર/ મજુરને કોના રેફરન્‍સ/પરીચયથીનોકરી ઉપર રાખેલ છે. તે સ્‍થાનિક રહીશનું  પુરૂ નામ, સરનામુ, ટે. નં.
૮	કર્મચારી કારીગર/ મજુરનો ફોટો
૯	હથિયાર હોય તો તેની અને લાઇસન્‍સની પુરી વિગત

ઉલ્લેખનીય છે કે આ હુકમ સરકારી કચેરીઓ , અર્ધસરકારી કચેરીઓ, પબ્‍લીક સેકટર, શૈક્ષણિક સંસ્‍થાઓ, ચૂ઼ંટાયેલી સંસ્‍થાઓ ઉપર લાગુ પડશે નહીં. હુકમનો ભંગ કરનાર ભારતીય દંડ સહિતાની કલમ-૧૮૮ હેઠળ શિક્ષાને પાત્ર થશે. 

print this post